પોસ્ટ ઓફિસ સિનિયર સિટીઝન સેવિંગ્સ સ્કીમ (SCSS) - નિવૃત્તિ પછીની નિયમિત આવકનો બેસ્ટ વિકલ્પ

નિવૃત્તિ પછીનું જીવન આરામદાયક અને આર્થિક રીતે સુરક્ષિત બનાવવું એ દરેક વરિષ્ઠ નાગરિકનું સ્વપ્ન હોય છે. બેંક FD કરતાં વધુ વ્યાજ અને સરકારી ગેરંટી સાથે નિયમિત આવક (Regular Income) મેળવવા માટે પોસ્ટ ઓફિસની સિનિયર સિટીઝન સેવિંગ્સ સ્કીમ (SCSS) રોકાણ માટેનો શ્રેષ્ઠ વિકલ્પ છે. Senior Citizen Savings Scheme યોજનાની સંપૂર્ણ માહિતી, તેના ફાયદાઓ અને રોકાણની પ્રક્રિયા વિશે વિગતવાર માહિતી મેળવીએ.

© Madhya Pradesh Postal Circle

સિનિયર સિટીઝન સેવિંગ્સ સ્કીમ (SCSS) શું છે?

ભારત સરકારે સિનિયર સિટીઝન સેવિંગ્સ સ્કીમ (SCSS) ની શરૂઆત 2004 માં કરી હતી, જેનો હેતુ વરિષ્ઠ નાગરિકોને તેમના નિવૃત્તિ પછીના તબક્કા માટે આવકનો સ્થિર અને સુરક્ષિત સ્ત્રોત પૂરો પાડવાનો હતો. સિનિયર સિટીઝન સેવિંગ્સ સ્કીમ (SCSS) રોકાણ કરેલી રકમ પર ઉચ્ચ વ્યાજ દરે ગેરેન્ટેડ વ્યાજ દર ત્રણ મહિને મળે છે. સિનિયર સિટીઝન સેવિંગ્સ સ્કીમ (SCSS) ભારતની સૌથી વધુ નફાકારક બચત યોજનાઓમાંની એક છે અને તે ગ્રાહકોને તુલનાત્મક રીતે નોંધપાત્ર વળતર આપે છે. વધુમાં, સિનિયર સિટીઝન સેવિંગ્સ સ્કીમ (SCSS) ભારત સરકાર દ્વારા સમર્થિત એક બચત યોજના છે તેથી મૂડી નુકસાનનું જોખમ નહિવત છે. Senior Citizen Savings Scheme (SCSS) ઉચ્ચ વ્યાજ દર અને નાણાંની સલામતીનો સરસ સમન્વય છે.

સિનિયર સિટીઝન સેવિંગ્સ સ્કીમ (SCSS) ના મુખ્ય ફાયદા અને વિશેષતાઓ

• આકર્ષક વ્યાજ દર

સિનિયર સિટીઝન સેવિંગ્સ સ્કીમ (SCSS) માં બેંક FD કરતાં વધુ વ્યાજ દર હોય છે. હાલ વાર્ષિક 8.2% જેટલો ઊંચો વ્યાજ દર મળી રહ્યો છે. જે અન્ય કોઇપણ FD કરતાં વધારે છે.

• નિયમિત આવક (Quarterly Payout)

સિનિયર સિટીઝન સેવિંગ્સ સ્કીમ (SCSS) યોજનાની સૌથી મોટી વિશેષતા વ્યાજની રકમ દર ત્રણ મહિને (ત્રિમાસિક) સીધી તમારા બેંક/પોસ્ટ ઓફિસના ખાતામાં જમા કરવામાં આવે છે. આનાથી નિવૃત્તિ પછી પણ નિયમિત આવકનો નિયમિત સ્ત્રોત જળવાઈ રહે છે.

• સુરક્ષિત રોકાણ

સિનિયર સિટીઝન સેવિંગ્સ સ્કીમ (SCSS) યોજના ભારત સરકાર દ્વારા સમર્થિત હોવાથી રોકાણ પર 100% સુરક્ષાની ગેરંટી મળે છે. તેમાં બજાર જોખમ (Market Risk) બિલકુલ નથી.

રોકાણની મર્યાદા (Investment Limit In SCSS)

સિનિયર સિટીઝન સેવિંગ્સ સ્કીમ (SCSS) માં ન્યૂનતમ રોકાણ ₹1,000 અને મહત્તમ રોકાણ ₹30,00,000 (ત્રીસ લાખ રૂપિયા) છે. સિનિયર સિટીઝન સેવિંગ્સ સ્કીમ (SCSS) માં રોકાણ 1 હજાર રૂપિયાના ગુણાંકમાં થાય છે.

સિનિયર સિટીઝન સેવિંગ્સ સ્કીમ (SCSS) માં રોકાણ કોણ કરી શકે?

60 વર્ષ કે તેથી વધુ વય ધરાવતા કોઈપણ ભારતીય નાગરિક સિનિયર સિટીઝન સેવિંગ્સ સ્કીમ (SCSS) માં રોકાણ કરી શકે છે.

નિવૃત્ત કર્મચારીઓ માટેની શ્રેષ્ઠ બચત યોજના (Government savings scheme for retirees)

55 વર્ષ કે તેથી વધુ વયના સરકારી કર્મચારી VRS અથવા વય નિવૃત્તિના કારણે નિવૃત થયેલ હોય તેઓ અથવા 50 વર્ષ કે તેથી વધુ વયના રક્ષા સેવાઓના નિવૃત્ત કર્મચારીઓ (સિવિલ ડિફેન્સ કર્મચારીઓ સિવાય) નીચેની શરતોને આધિન સિનિયર સિટીઝન સેવિંગ્સ સ્કીમનો લાભ લઈ શકે છે.

શરતો :

1. વય નિવૃત્તિ અથવા VRS નો લાભ મળ્યાના 90 દિવસની અંદર સિનિયર સિટીઝન સેવિંગ્સ સ્કીમ (SCSS) માં રોકાણ કરવાનું હોય છે.
2. વય નિવૃત્તિ અથવા VRS નો ખરેખર જે લાભ મળેલ હશે તે અથવા 30 લાખ બંનેમાંથી જે રકમ ઓછી હશે તેટલી જ રકમ સિનિયર સિટીઝન સેવિંગ્સ સ્કીમ (SCSS) માં રોકાણ કરી શકાશે.

​સિનિયર સિટીઝન સેવિંગ્સ સ્કીમ (SCSS) માં રોકાણનું ગણિત: ₹30 લાખના રોકાણ પર કેટલું વ્યાજ મળશે?

જો કોઈ વ્યક્તિ મહત્તમ મર્યાદા ₹30,00,000 નું રોકાણ કરે છે તો વર્તમાન વ્યાજ દર 8.2% છે, તો આ વ્યક્તિને નીચે મુજબ વ્યાજ મળશે.

વાર્ષિક વ્યાજ: ₹30,00,000 × 8.2% = ₹2,46,000

ત્રિમાસિક આવક (દર 3 મહિને): ₹2,46,000 ÷ 4 = ₹61,500

5 વર્ષમાં કુલ વ્યાજની આવક : ₹2,46,000 × 5 = ₹12,30,000

કુલ સમયગાળો (મેચ્યોરિટી પીરિયડ)

સિનિયર સિટીઝન સેવિંગ્સ સ્કીમ (SCSS) યોજનાની કુલ મુદત 5 વર્ષ છે. 5 વર્ષની મુદત પૂરી થયા પછી, તમે સિનિયર સિટીઝન સેવિંગ્સ સ્કીમ (SCSS) ખાતાને વધુ 3-3 વર્ષ માટે ગમે તેટલી વખત લંબાવી શકો છો. સિનિયર સિટીઝન સેવિંગ્સ સ્કીમ (SCSS) ખાતાને લંબાવવા માટે ખાતાની મેચ્યોરિટીના થયાના 1 વર્ષની અંદર અરજી કરવી પડે છે.

સિનિયર સિટીઝન સેવિંગ્સ સ્કીમ (SCSS) ખાતુ સમય પહેલા બંધ કરી શકાય?

સિનિયર સિટીઝન સેવિંગ્સ સ્કીમ (SCSS) ખાતાને ગમે ત્યારે સમય પહેલા બંધ કરી શકાય છે. જેમાં કેટલીક શરતો છે.

• SCSS ખાતુ ખોલાવ્યાના એક વર્ષ પહેલા બંધ કરવામાં આવે છે તો ખાતુ ખોલાવ્યા પછી જે વ્યાજ મળેલ હોય તે વ્યાજ મૂડીમાંથી રિકવર કરવામાં આવે છે.
• SCSS ખાતુ ખોલાવ્યાના 1 વર્ષ પછી અને 2 વર્ષ પહેલા બંધ કરવામાં આવે છે તો 1% વ્યાજ મૂડીમાંથી રિકવર કરવામાં આવે છે.
•  SCSS ખાતુ ખોલાવ્યાના 2 વર્ષ પછી બંધ કરવામાં આવે છે તો 0.5% વ્યાજ મૂડીમાંથી રિકવર કરવામાં આવે છે.

સિનિયર સિટીઝન સેવિંગ્સ સ્કીમ (SCSS) ખાતું કેવી રીતે ખોલી શકાય છે?

સિનિયર સિટીઝન સેવિંગ્સ સ્કીમ (SCSS) ખાતું સિંગલ અથવા જોઈન્ટ ખોલી શકાય છે. જોઇન્ટ એકાઉન્ટ ફ્ક્ત પતિ/પત્ની સાથે જ જોઈન્ટ એકાઉન્ટ ખોલાવી શકાય છે, જેમાં પ્રથમ ખાતાધારક સિનિયર સિટીઝન (વરિષ્ઠ નાગરિક) હોવા જોઈએ.

સિનિયર સિટીઝન સેવિંગ્સ સ્કીમ (SCSS) ખાતું ખોલવા માટે જરૂરી દસ્તાવેજ

1. આધાર કાર્ડની સ્વપ્રમાણિત નકલ
2. પાન કાર્ડની સ્વપ્રમાણિત નકલ
3. 2 પાસપોર્ટ સાઈઝના ફોટા
4. વય નિવૃત્તિ અથવા VRS ના કિસ્સામાં નિવૃત્ત થયાનો પુરાવો અને બેંક સ્ટેટમેન્ટ જેમાં વય નિવૃત્તિ અથવા VRS નો લાભ મળ્યાની એન્ટ્રી હોય.

શા માટે પોસ્ટ ઓફિસની SCSS યોજના સર્વશ્રેષ્ઠ છે?

પોસ્ટ ઓફિસ સિનિયર સિટીઝન સેવિંગ્સ સ્કીમ (SCSS) એ વરિષ્ઠ નાગરિકો માટે સલામત, વધુ વળતર અને નિયમિત આવક આપતી એક આદર્શ યોજના છે. તે જોખમ વગરના રોકાણ (Zero Risk Investment) ની શોધમાં રહેલા દરેક નિવૃત્ત વ્યક્તિ માટે એક "સોનેરી વિકલ્પ" છે.

શું તમે SCSS માં રોકાણ કરવાની યોજના બનાવી રહ્યા છો? જો હા, તો તમારા નજીકની પોસ્ટ ઓફિસ અથવા સરકારી બેંકનો સંપર્ક કરો અને આજે જ તમારું SCSS ખાતું ખોલાવો!